Монгол Улс анхдугаар Үндсэн хуулиа баталж, Бүгд Найрамдах Улс тунхагласны 100 жилийн ойг тохиолдуулан сумын ИТХ-ын дарга Ж.Лхагвабаатар сумын үе үеийн ИТХ-ын дарга нарыг 11 дүгээр сарын 25-ны өдөр хүндэтгэл үзүүлэн хүлээн авч уулзлаа. Уулзалтаар сумын хөгжлийн түүхэн онцлог цаг үеийг дурсан хууч яриа дэлгэж, сум орон нутгийн өнөөгийн байдал, ирээдүйн хөгжлийн чиг хандлагын талаар санал бодлоо солилцлоо. Та бүхэндээ эрүүл энх сайн сайхныг хүсэн ерөөе.

Монгол Улс анхдугаар Үндсэн хуулиа баталж, Бүгд Найрамдах Улс тунхагласны 100 жилийн ойг тохиолдуулан сумын Иргэдийн төлөөлөгчдийн хурлын нэрэмжит шилжин явах цомын төлөөх спортын бага наадам 4 төрлөөр 11 дүгээр сарын 23-д төрийн албан хаагчдын дунд зохион байгуулагдлаа.

ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛ ХУРАЛДЛАА. 2024 оны 11 дүгээр сарын 18-ны өдөр Сумын Иргэдийн Төлөөлөгчдийн Хурлын дарга Ж.Лхагвабаатар, ИТХ-ын нарийн бичгийн дарга Ч.Болортуяа, ИТХ-ын албаны мэргэжилтэн Ч.Хонгорзул, ЗДТГ-ын дарга Д.Алтанзориг, сумын Нийгмийн бодлогийн мэргэжилтэн Э.Бадмаанямбуу, ЕБС-ийн захирал А.Батзаяа, ЕБС-ийн нийгмийн ажилтан С.Ганбаяр, Сургуулийн сэтгэл зүйч Л.Отгонжаргал, Ч.Өнөрсайхан нар хуралдлаа. Ирц 80 % Сумын Гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагааны талаар санал солилцож, Сургуулийн хүүхдүүдийн дунд нэн тулгамдаж байгаа электрон тамхины хэрэглээний талаарх сэдэв хөндөн ярилцлаа. Суманд электрон тамхи худалдан борлуулдаг байгууллагатай хяналт шалгалт тавих, сурагчдийн дунд сургалт зохион байгуулахаар боллоо.

Атар газар эзэмшсэний 65 жилийн ой, ХАА-н салбарт ажиллагсдын баярын өдөр, Ургацын баярт зориулан зохион байгуулсан Волейболын тэмцээн 2024 оны 11 дүгээр сарын 09, 10- ны өдрүүдэд амжилттай зохион байгуулагдлаа.

Баярын хуралд Монгол Улсын Их Хурлын гишүүн Т.Аубакир, Сэлэнгэ аймгийн ИТХурлын дарга Г.Бат-орхон, Сэлэнгэ аймгийн Хүнс хөдөө аж ахуйн газрын даргын үүргийг түр орлон гүйцэтгэгч Х.Цэнгэлсайхан нар хүрэлцэн ирж нийт ХАА-н салбарт ажиллагсдадаа мэндчилгээ дэвшүүллээ. Хурлын үеэр шагналын хур бууж, газар тариалангийн салбарт үнэтэй хувь нэмэр оруулсан иргэдийг шагнаж урамшууллаа

Атар газар эзэмшсэний 65 жилийн ой, ХАА-н салбарт ажиллагсдын баярын өдөр, Ургацын баярын "Өрхийн үйлдвэрлэгчдийн үзэсгэлэн худалдаа" 2024 оны 11 дүгээр сарын 8-ний өдөр амжилттай зохион байгуулагдлаа. Үзэсгэлэн худалдаанд нийт 19 иргэн, 4 хоршооллын төлөөлөл оролцож 5 шилдэг бүтээгдэхүүн шалгарууллаа.

Сумын ИТХ-ын даргад: МАН-аас Ж.Лхагвабаатар АН-аас Т.Амарсанаа нарыг дэвшүүлсэн. 21 төлөөлөгч санал хураалтад оролцсоноос Ж.Лхагвабаатар -11 санал Т.Амарсанаа -10 саналын хуудас тус тус тоологдлоо.

СУМЫН ИРГЭДИЙН ТӨЛӨӨЛӨГЧДИЙН ХУРЛЫН АНХДУГААР ХУРАЛДААН ЭХЭЛЖ БАЙНА. АНХДУГААР ХУРАЛДААНААР: 1. Аймгийн ИТХ-ын шинээр сонгогдсон төлөөлөгчдийн бүрэн эрхийг зөвшөөрөх тухай 2. Анхдугаар хуралдааны дэгийг батлах тухай 3. Аймгийн иргэдийн Төлөөлөгчдийн Хурлын даргыг сонгох тухай 4. Аймгийн иргэдийн Төлөөлөгчдийн Хурлын Зөвлөлийн бүрэлдэхүүнийг сонгох тухай 5. Аймгийн Засаг даргад нэр дэвшүүлэх тухай 6. Хурлын бодлогын хороо байгуулах тухай зэрэг асуудлуудыг хэлэлцэнэ.

Хуралдаанаар хэлэлцэх асуудал 1. 2024 оны тодотгосон төсөвт батлах тухай 2. 2025 онд орон нутгийн хөгжлийн сангийн хөрөнгөөр хийгдэх ажлыг батлах тухай 3. Төсвийн байгууллагуудын хөрөнгө актлах тухай

Хэлэлцэх асуудал: 1.Сумын 2023 оны төсвийн гүйцэтгэл 2. 2024 оны төсөвт тодотгол оруулах тухай 3. Тусгай хэрэгцээний газар батлах тухай

"GOLDEN BELL" АСУУЛТ ХАРИУЛТЫН ТЭМЦЭЭН Сэлэнгэ аймгийн Цагааннуур суманд 2024 оны 05 дугаар сарын 20-ний өдөр зохион байгуулагдлаа. Тэмцээнд 9 дүгээр ангийн 3 бүлгийн 50 гаруй сурагч оролцож эрдэм оюунаараа өрсөлдсөнөөс 9А ангийн сурагч Гэрэлт-Одын Шинэбилэг тэргүүн байр эзэлж Солонгос улсад анги удирдсан багштайгаа хамт 100 хувийн тэтгэлгээр аялах эрхээр шагнууллаа. 👉Тэмцээн зохион байгуулсан: "Зөв тэмүүлэл хөгжлийн түлхүүр" ТББ "Ханнарэ" ТББ

Сум орон нутаг хийгдэж байгаа ажлын талаар ИТХ-ын төлөөлөгчид хяналт шалгалт хийж байна.

Хэлэлцэх асуудал: 1. Сумын иргэдийн төлөөлөгчдийн хурлын сонгуулийн тойргийн дугаар, нутаг дэвсгэр, төв, мандатын тоо батлах тухай 2.Хоршоо хөгжүүлэх сангийн хөрөнгийн зарцуулалт, чиглэл тогтоох тухай

Гэмт хэргээс урьдчилан сэргийлэх ажлын хүрээнд бага насны хүүхдийг дэлгэцийн донтолтоос урьдчилан сэргийлэх талаар сургалт хийв.

Сумын ИТХ-ын төлөөлөгчид БНСУ-ын Кёнсанбук аймгийн Уллеундо мужийн ИТХ-ын төлөөлөгчидтэй уулзаж, гадаад хамтын ажиллагааны эхлэлийг тавилаа. Уулзалтаар цаашид ажиллах хүчний тал дээр хамтрах, хоёр орны соёл, аялал жуулчлалын салбарт харилцан туршлага солилцох бусад чиглэлээр хамтран ажиллах боломж нөхцөлийн талаар санал солилцлоо.

1 дүгээр зүйл.Хуулийн зорилт 1.1.Энэ хуулийн зорилт нь Монгол Улс төрийн байгууламжийн хувьд нэгдмэл байх зарчмыг хангах, иргэд орон нутгийн үйл хэрэгт шууд болон сонгож байгуулсан төлөөллийн байгууллагаараа уламжлан оролцох эрх зүйн үндсийг бүрдүүлэхэд оршино. 2 дугаар зүйл.Хуулийн зохицуулах харилцаа 2.1.Энэ хуулиар Монгол Улсын засаг захиргаа, нутаг дэвсгэрийн нэгжийн чиг үүрэг, эдийн засгийн үндэс, нэгжийг өөрчлөх үндэслэл журмыг тодорхойлж, засаг захиргаа, нутаг дэвсгэрийн нэгж дэх өөрийн болон төрийн удирдлагын тогтолцоо, үйл ажиллагааны зарчим, нутгийн өөрийн удирдлагын байгууллагын эрх хэмжээ, зохион байгуулалт, бүх шатны Засаг даргын бүрэн эрх, нутгийн удирдлагаас бусад байгууллагатай харилцах харилцааг зохицуулна.

✅Сумын 100 жилийн ойн босгон дээр ✅Хөдөлмөрийн гавьяаны улаан тугийн одонгоор 2 дугаар багийн иргэн өндөр настан төрийн үйлчилгээний ахмад ажилтан Д.Дашзэвэг ✅Алтан гадас одонгоор 3 дугаар багийн иргэн өндөр настан А.Наранхүү 2 дугаар багийн иргэн өндөр настан Ц.Уртнасан нар шагнагдлаа. Та бүхэндээ сумын ИТХ, ЗДТГ нийт иргэдийнхээ өмнөөс халуун баяр хүргэж. Аз жаргал эрүүл энх сайн сайхан бүхнийг хүсэн ерөөе.

Сумын хэмжээнд ихэнх нутгаар их хэмжээний цас орж, цасан бүрхүүл тогтож, хаваржилт хүндэрч байгаатай холбогдуулан Далайжаргалын Гантогтохын гэр бүлээс малчдад цаг алдалгүй тусламж, дэмжлэг үзүүлэх ажлыг зохион байгуулж, дараах тусламжийн зүйлсийг сумын Онцгой комисст хүлээлгэн өглөө. Та бүхэндээ талархал илэрхийлье. Сумын Онцгой комисс

✅Алтангадас одонгоор 2 дугаар багийн иргэн өндөр настан Цэений Адьяа 3 дугаар багийн иргэн өндөр настан Рэнцэнхорлоогийн Алтантуяа 3 дугаар багийн иргэн өндөр настан Даваасамбуугийн Алтанцэцэг ✅Хөдөлмөрийн хүндэт медалиар 3 дугаар багийн иргэн Тосон уул дэлгүүрийн захирал Бямбажавын Мөнхбаяр 3 дугаар багийн иргэн 1 дүгээр цэцэрлэгийн нярав Багаагийн Ганчимэг нар шагнагдлаа. Та бүхэндээ Цагааннуурчуудынхаа өмнөөс халуун баяр хүргэж. Аз жаргал эрүүл энх сайн сайхан бүхнийг хүсэн ерөөе.