"Аймгийн аварга тариаланч"-аар "Баяндулаан-Уул" ХХК-ий техникч Лхгавасүрэнгийн Эрдэнэбаатар "Аймгийн аварга малчин"-аар Оргих 1 дүгээр багийн малчин Мандахын Гантөмөр "Аймгийн аварга саальчин"-аар Дашнямын Нарантуяа нар шалгарлаа. Аваргууддаа баяр хүргэе.

Газар тариалан, мал аж ахуй хосолсон МУ-ын газар тариалангийн үйлдвэрлэлийн 20 хүртэл хувийг үйлдвэрлэгч Улсын тэргүүний Цагааннуур сум маань Төрийн дээд шагнал "Алтан гадас" одонгоор шагнагдаж, шагналаа хүлээн авлаа. Шагналыг гардуулахаар УИХ-ын гишүүн Ч.Ундрам, Аймгийн Засаг дарга Н.Лхагвадорж нар хүрэлцэн ирж, сум орон нутгийн удирдлагууд, Хөдөлмөрийн баатар, гавьяатууд, аварга тариаланчид, иргэд хүүхэд, залуучууд хүндэтгэлтэйгээр угтан авлаа. Ёслол хүндэтгэлийн үйл ажиллагааг сумын Засаг дарга Г.Цэндсүрэн нээн үг хэлж, нийт сумынхаа иргэдэд халуун баяр хүргэлээ. Ерөнхийлөгчийн зарлигийг сумын ЗДТГ-ын дарга Д.Алтанзориг уншиж танилцуулан, УИХ-ын гишүүн Ч.Ундрам Цагааннуур сумын хүндэтгэлийн туганд “Алтан гадас” одонг зүүж өглөө. Ёслолын хүндэтгэлийн үйл ажиллагааны үеэр Төрийн дээд шагналаар шагнагдсан иргэд, Монгол Улсын аварга тариаланчдын шагналыг гардуулан өгч баяр хүргэлээ. ✅Төрийн дээд шагнал "Алтан гадас" одонгоор: Оргих 1 дүгээр багийн иргэн Ё.Атарсайхан Тийрэг 3 дугаар багийн иргэн М.Баяржаргал Тийрэг 3 дугаар багийн иргэн Д.Хишигсүрэн ✅Хөдөлмөрийн хүндэт медалиар: Хуурч 2 дугаар багийн иргэн Г.Пүрэвсүрэн ✅"Улсын аварга тариаланч"-аар: "Тариан цацал" ХХК-ийн техникч Б.Чойжамц "Сэлэнгэ тариа" ХХК-ийн техникч Ч.Чимэддорж Монгол Улсын Засгийн газрын 2018 оны “Тариалангийн зарим бүс нутгийг тогтоох тухай” 131 дүгээр тогтоолоор тус сумын нутаг дэвсгэрийг тариалангийн бүс нутаг болгон тогтоосон юм. АЛТАН ГАДАС ОДОНТ УЛСЫН ТЭРГҮҮНИЙ ЦАГААННУУР СУМЫН НИЙТ ИРГЭДДЭЭ ХАЛУУН БАЯР ХҮРГЭЕ

Барилдааныг Ө.Чимэддорж захиралтай "Атартрейд" ХХК ивээн тэтгэн явуулахын зэрэгцээ сар шинийн баярыг тохиолдуулан ахмадуудын дунд азын сугалаа явууллаа. Барилдааны үеэр сумын удирдлагууд 2024 оны "Сумын хөдөлмөрийн аварга"-уудын шагналыг гардуулан өгч, баяр хүргэлээ.

Сумын ОНХС-ын хөрөнгө оруулалтаар Эрүүл мэндийн төвийн дуудлага, үйлчилгээнд нэн шаардлагатай PRIUS 30 автомашиныг худалдан авч, өнөөдөр сумын удирдлагууд хүлээлгэн өглөө. Алтан шар зам нь өлзийтэй байж, иргэдийнхээ эрүүл мэндийг хамаалах үйлс нь дардан байх болтугай.

Улсын ургацын 4 удаагийн аварга "Ургацын хишиг " ХХК-ийн нэрэмжит 2025 оны сумын аварга шалгаруулах Сагсан бөмбөгийн тэмцээн 2025 оны 02 дугаар сарын 15-ны өдөр зохион байгуулагдлаа. Тэмцээнд эрэгтэй 8, эмэгтэй 4 баг хурд хүчээ сорин өрсөлдлөө

Оргих, Хуурч, Тийрэг багуудын ИНХ 2025 оны 02 дугаар сарын 12-14-ний өдрүүдэд болж, БИНХ-ын дарга нарыг сонгож, багийн Засаг дарга нарыг нэр дэвшүүлэхээр Засаг даргад уламжлахаар болов.

"ЭЛ СИ БИ" ХХК-ийн Цагааннуур сум дахь нэгдсэн халаалтын төвийн нэрэмжит 2025 оны сумын аварга шалгаруулах волейболын тэмцээн 2025 оны 02 дугаар сарын 01-02-ны өдрүүдэд амжилттай зохион байгуулагдлаа. Тэмцээнд эрэгтэй 7, эмэгтэй 11 баг оролцож, хурд хүч авхаалж самбаагаа сорин өрсөлдлөө.

Цаг үеийн мэдээлэл солилцох, ААНБ-уудын нийгмийн оролцоо, идэвх санаачилга, хамтын ажиллагааг сайжруулах зорилгоор сумын удирдлагуудаас сар бүр төр төсвийн байгууллага, ААНБ-ын удирдлагуудтай уулзалт хийж байхаар шийдвэрлэсэн. Үүний хүрээнд өнөөдөр уулзалтыг зохион байгуулж, сумын удирдлагууд өнөөдрийн сумын нөхцөл байдал, цаашид хийж хэрэгжүүлэх ажил арга хэмжээний талаар мэдээлэл хийж байна.

Сумын удирдлагууд төр төсвийн байгууллага ОНӨААТҮГ-ын удирдлага, нягтлан, няравуудтай уулзаж, цаг үеийн мэдээлэл хийн, тулгамдаж буй асуудлыг сонсож, удирдлага чиглэл өглөө. Мөн санхүүгийн албанаас шинээр гарсан хууль тогтоомж, төрийн сангийн төлбөр тооцооны системийн шинэчлэлтэй холбоотой арга зүйн зөвлөгөө өгч мэдээлэл хийлээ.

Хуралдаанаар дараах асуудлыг хэлэлцүүлэнэ 1.2025 оны төсөв батлах тухай 2.Сумын амьжиргааг дэмжиж зөвлөлийн бүрэлдэхүүнд өөрчлөлт оруулах тухай 3.Хөрөнгө актлах тухай 4.Хоршоо хөгжүүлэх сангийн Төсөл сонгон шалгаруулах хороог өөрчлөлт оруулах тухай 5.Хоршоо хөгжүүлэх сангийн Хяналт тавих орон тооны бус зөвлөл өөрчлөлт оруулах тухай 6.Сумын 2025 онд үйлдвэрлэлийн болон ахуйн зориулалттай хэрэглээний мод, түлээ бэлтгэх хуваарь батлах тухай 7.Бусад

Сумын ИТХ-ын дарга Ж.Лхагвабаатар, Засаг дарга Г.Цэндсүрэн 2024 оны 12 дугаар сарын 19-ний өдөр Сэлэнгэ аймгийн Ахмадын хорооны дарга, сумын ахмадуудын төлөөллийг хүлээн авч уулзан санал хүсэлтийг хүлээн авлаа.

Шинээр томилогдсон Засаг дарга, сумын удирдлагын баг төр, төсвийн байгууллагын ажилтнуудтай уулзалт зохион байгуулж Засаг даргын үйл ажиллагааны хөтөлбөрт тусгах санал, өвөлжилтийн бэлэн байдал, цаг үеийн ажлаар мэдээлэл хийж санал хүсэлтийг хүлээн авч ажиллалаа.

ИРГЭДИЙН ТӨЛӨӨЛӨГЧДИЙН ХУРАЛ II ХУРАЛДААНААР ХЭЛЭЛЦЭХ АСУУДЛЫГ ХЭЛЭЛЦЭНЭ 1. Сумын иргэдийн Төлөөлөгчдийн "Хуралдааны дэг"-ийг батлах тухай 2.Сумын иргэдийн Төлөөлөгчдийн Хурал болон Хурлын Зөвлөлийг хуралдуулах, асуудал өргөн барих, шийдвэр гаргуулах журам"-ыг батлах тухай 3.Хурлын хороодыг ажиллах журмыг батлах тухай. 4.Сумын ойн сангаас 2024 онд үйлдвэрлэлийн болон ахуйн зориулалттай хэрэглээний мод түлээ бэлтгэх хуваарийг батлах тухай. 5. Хяналт шалтгалтын ажлын хэсгийг шинэчлэн байгуулах тухай. 6.Сумын татварын байцаагчийн мэдээлэл

2024 оны Мал, тэжээвэр амьтдын тооллогыг 12 дугаар сарын 7-17-ны өдрүүдэд улсын хэмжээнд зохион байгуулна. Малтай айл өрх, аж ахуйн нэгж, байгууллага та бүхнийг жилийн эцсийн тооллогодоо идэвхтэй оролцохыг уриалж байна.

Монгол Улс анхдугаар Үндсэн хуулиа баталж, Бүгд Найрамдах Улс тунхагласны 100 жилийн ойг тохиолдуулан сумын ИТХ-ын дарга Ж.Лхагвабаатар сумын үе үеийн ИТХ-ын дарга нарыг 11 дүгээр сарын 25-ны өдөр хүндэтгэл үзүүлэн хүлээн авч уулзлаа. Уулзалтаар сумын хөгжлийн түүхэн онцлог цаг үеийг дурсан хууч яриа дэлгэж, сум орон нутгийн өнөөгийн байдал, ирээдүйн хөгжлийн чиг хандлагын талаар санал бодлоо солилцлоо. Та бүхэндээ эрүүл энх сайн сайхныг хүсэн ерөөе.

Монгол Улс анхдугаар Үндсэн хуулиа баталж, Бүгд Найрамдах Улс тунхагласны 100 жилийн ойг тохиолдуулан сумын Иргэдийн төлөөлөгчдийн хурлын нэрэмжит шилжин явах цомын төлөөх спортын бага наадам 4 төрлөөр 11 дүгээр сарын 23-д төрийн албан хаагчдын дунд зохион байгуулагдлаа.

ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛ ХУРАЛДЛАА. 2024 оны 11 дүгээр сарын 18-ны өдөр Сумын Иргэдийн Төлөөлөгчдийн Хурлын дарга Ж.Лхагвабаатар, ИТХ-ын нарийн бичгийн дарга Ч.Болортуяа, ИТХ-ын албаны мэргэжилтэн Ч.Хонгорзул, ЗДТГ-ын дарга Д.Алтанзориг, сумын Нийгмийн бодлогийн мэргэжилтэн Э.Бадмаанямбуу, ЕБС-ийн захирал А.Батзаяа, ЕБС-ийн нийгмийн ажилтан С.Ганбаяр, Сургуулийн сэтгэл зүйч Л.Отгонжаргал, Ч.Өнөрсайхан нар хуралдлаа. Ирц 80 % Сумын Гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагааны талаар санал солилцож, Сургуулийн хүүхдүүдийн дунд нэн тулгамдаж байгаа электрон тамхины хэрэглээний талаарх сэдэв хөндөн ярилцлаа. Суманд электрон тамхи худалдан борлуулдаг байгууллагатай хяналт шалгалт тавих, сурагчдийн дунд сургалт зохион байгуулахаар боллоо.

Атар газар эзэмшсэний 65 жилийн ой, ХАА-н салбарт ажиллагсдын баярын өдөр, Ургацын баярт зориулан зохион байгуулсан Волейболын тэмцээн 2024 оны 11 дүгээр сарын 09, 10- ны өдрүүдэд амжилттай зохион байгуулагдлаа.

Баярын хуралд Монгол Улсын Их Хурлын гишүүн Т.Аубакир, Сэлэнгэ аймгийн ИТХурлын дарга Г.Бат-орхон, Сэлэнгэ аймгийн Хүнс хөдөө аж ахуйн газрын даргын үүргийг түр орлон гүйцэтгэгч Х.Цэнгэлсайхан нар хүрэлцэн ирж нийт ХАА-н салбарт ажиллагсдадаа мэндчилгээ дэвшүүллээ. Хурлын үеэр шагналын хур бууж, газар тариалангийн салбарт үнэтэй хувь нэмэр оруулсан иргэдийг шагнаж урамшууллаа

Атар газар эзэмшсэний 65 жилийн ой, ХАА-н салбарт ажиллагсдын баярын өдөр, Ургацын баярын "Өрхийн үйлдвэрлэгчдийн үзэсгэлэн худалдаа" 2024 оны 11 дүгээр сарын 8-ний өдөр амжилттай зохион байгуулагдлаа. Үзэсгэлэн худалдаанд нийт 19 иргэн, 4 хоршооллын төлөөлөл оролцож 5 шилдэг бүтээгдэхүүн шалгарууллаа.