Үерийн улмаас нурж эвдэрсэн зам, жалга, шуудууг шороогоор дүүргэж түрж заслаа

ИРГЭДИЙН АНХААРАЛД Нэгдсэн хогийн цэгийн гадна талыг түрж цэвэрлэсэн тул иргэд та бүхэн хогоо хашаан дотор шахаж буулгана уу. ✅✅✅#Ухамсарт хүний үйлдэл нүднээс далд ч зөв байдаг✅✅✅

Жил бүр уламжлал болон зохион байгуулдаг Оргих 1-р баг, Тийрэг 3-р багийн "Малчдын өдөрлөг" 2025 оны 08-р сарын 29-ний өдөр болж өнгөрлөө. Уг арга хэмжээний хүрээнд сумын удирдлагууд, ЗДТГ-ын мэргэжилтнүүд цаг үеийн мэдээлэл, малчидтай холбоотой ажил үйлчилгээний талаар мэдээлэл, зөвлөмжийг хүргэхийн зэрэгцээ Соёлын төвөөс иргэдийн дунд соёлын арга хэмжээ, Эрүүл мэндийн төвөөс иргэдэд эрүүл мэндийн үйлчилгээ үзүүлж мэдээлэл хүргэлээ. Мөн өдөрлөгөөр хурдан морьдын уралдаан, хүчит бөхийн барилдаан, хөзрийн тэмцээн, волейболын тэмцээн гэх мэт олон төрлийн тэмцээн уралдааныг иргэдийн дунд зохион байгууллаа. Засаг даргын 2025 оны соёл урлаг, спортын арга хэмжээний төлөвлөгөөний дагуу Оргих 1-р багийн иргэд Урлагийн тоглолтоо танилцууллаа. "Малчдын өдөрлөг"-ийг зохион байгуулж, хамтран ажилласан Соёлын төв, Эрүүл мэндийн төвийн хамт олон, ивээн тэтгэгчиддээ талархал илэрхийлье.

ИРГЭДИЙН АНХААРАЛД Хадлангийн гэрээг өнөөдөр буюу 2025 оны 08-р сарын 26-ны өдрийн дотор хийж дуусгана уу. Багуудын малчдын өдөрлөг дээр хадлангийн гэрээ болон мод бэлтгэх эрхийн бичиг олгохгүй болохыг анхаарна уу.

Өнөөдөр сумын ИТХ-ын дарга, Засаг дарга, багийн Засаг дарга нар Тийрэг 3 дугаар багийн малчид иргэдтэй уулзаж, цаг үеийн мэдээлэл хийхийн зэрэгцээ малчдын намрын бэлтгэл ажилтай танилцан, санал хүсэлтийг хүлээн авч ярилцлаа.

Аймгийн орон нутгийн хөгжлийн сангийн хөрөнгө оруулалтаар зам арчилгааны техникүүд худалдан авсныг Сэлэнгэ аймгийн Засаг дарга , Аймгийн ИТХ-ын төлөөлөгч нар хүлээлгэн өглөө. Зам арчилгааны техниктэй болсноор хур хогоо цэвэрлэх, айл өрхүүдэд инженерийн шугам татах, зам засах, гудамж талбайг цэвэрлэж, сайжруулах ажлуудыг хийж гүйцэтгэх бүрэн боломжтой болж байгаа юм. Мөн аймгийн Засаг дарга суманд улсын болон аймгийн төсвийн хөрөнгөөр хийж, хэрэгжүүлж байгаа бүтээн байгуулалтын ажлуудтай танилцан зарим асуудлуудыг газар дээр нь шийдвэрлэж, цаашид хийгдэх ажлуудад тодорхой үүрэг чиглэлийг өглөө.

Сумын ИТХ-ын дарга, Засаг дарга Оргих 1 дүгээр багийн малчид иргэдтэй уулзаж төр засгийн бодлого шийдвэрийг танилцуулж, цаг үеийн мэдээлэл хийлээ. Мөн иргэдийн санал хүсэлтийг хүлээн авч, зарим асуудлыг газар дээр нь шийдвэрлэлээ.

🔥2025 оны 07 дугаар сарын 12-ны өдөр Тийрэг 3-р багийн нутаг дэвсгэр Зүүн харгистай, Дантад ой, хээрийн 2 түймэр гарч Зүүн харгистайн түймэр 07 дугаар сарын 16-ны өдөр унтарч 18-ны өдөр дахин асаж 21-нд унтарсан. Дантын түймрийг 07 дугаар сарын 21-ны 21 цагт цурамд оруулан түймэрт өртсөн талбайн шатанги, унанги модыг цэвэрлэх, манах ажиллагааг хийсэн.

🔥2025 оны 07 дугаар сарын 13-ны өдрийн 11 цагийн байдлаар сумын Тийрэг 3-р багийн нутаг дэвсгэр Зүүн харгистай, Дант гэх 2 газарт 2025 оны 07 дугаар сарын 12-ны өдөр ой, хээрийн түймэр гарч түймрийн голомтод Сэлэнгэ аймгийн ОБГазрын 20 албан хаагч 1 автомашин, сумын 6 албан хаагч 3 автомашин, 11 малчин 2 мотоцикл 2 автомашин нийт 6 автомашин, 2 мотоцикл, 37 хүн, багаж хэрэгсэлтэй ажиллаж байна.

🔥🔥 Сумын Тийрэг 3-р багийн нутаг дэвсгэр Баруун харгистай чиглэлд 2025 оны 07 дугаар сарын 12-ны өдөр 2 газарт ой, хээрийн түймэр гарч түймрийн голомтод аймгийн ОБГазрын 20-н албан хаагч, сумын мэргэжлийн ажилтан, албан хаагч, малчид ажиллаж байна. 04 дүгээр сарын 28-наас өнөөдрийн байдлаар нийт 11-н удаа ой, хээрийн түймэр бүртгэгдсэн. Хуурайшилтын үед иргэд та бүхэн ✅Цогтой үнс нурмаа битүү тагтай саванд хийх ✅Тамхи, чүдэнзний галыг ил задгай хаяхгүй байх ✅Хашаагаа цэвэрлэх зорилгоор өнжмөл өвсөө шатаахгүй ✅Ой, хээрт явахдаа оч баригчгүй машин техникээр зорчихгүй байх ✅Насанд хүрээгүй хүүхдийг чүдэнз, асаагуураас хол байлгах ✅Шаардлагатай багаж хэрэгслийг бэлдэх зэргийг анхааруулж байна.🥵🥵

Оргих 1 дүгээр багийн нутаг Баруун голын эхэнд 07 дугаар сарын 07-нд гарсан ой, хээрийн түймрийн голомтод УБ хотын Уул уурхайн аврах 09 дүгээр анги, Өмнөговь аймгийн ОБГазар, Сэлэнгэ аймгийн ОБГазар, Зүүнбүрэн сумын мэргэжлийн анги, Цагааннуур сумын мэргэжлийн анги нийт 53 албан хаагч, 12 автомашин, 2 морьтой ажиллаж түймрийг унтраасан. Та бүхэндээ ТАЛАРХАЛ илэрхийлье.👏👏👏

Хуралдаанаар дараах асуудлыг хэлэлцүүлнэ 1. 2024 оны төсвийн гүйцэтгэл батлах тухай 2. 2025 оны мал, амьтны шимэгчтэх өвчнөөс урьдчилан сэргийлэх арга хэмжээний төлөвлөгөө батлах тухай 3. Хоршоо хөгжүүлэх сангийн хөрөнгийн зарцуулах чиглэл тогтоох тухай 4. Хоршоо хөгжүүлэх сангийн төсөл хүлээн авах, шаргаруулах хугацааг тогтоох тухай 5. Хөрөнгө актлах тухай 6. Баяр наамдын зохион байгуулах ажлын хэсэг байгуулах тухай 7. Шинэ содон ой ХХК-ий хүсэлт

🚁Сумын 1 дүгээр багийн Жаргалант, Товхан уул, Баянхонгорын овоо, Нарангийн давааны ар, Баян харын овоо, Их Бургастай, Хуурч 2 дугаар багийн Их хүнгэ, Бага хүнгэ, Ганц мод, Хар модот, Далайн яст, Ноёны булаг, Цоорч, Хуурч зэрэг газруудын ойн санд улсын төсвийн хөрөнгөөр 6000 га талбай, сумын 2025 оны төсвийн (байгалийн нөөц ашигласны төлбөр)-ийн хөрөнгө оруулалтаар 1000 га, нийт 7000 га талбайд ойн хөнөөлт шавжтай тэмцэх ажлыг 2025 оны 06 дугаар сарын 09-ний өдрөөс 06 дугаар сарын 19-ний өдрийг хүртэл 10 хоногийн хугацаанд агаараар био бэлдмэлээр хийж гүйцэтгэнэ. Уг ажил хийгдэж байх үед болон хийгдсэний дараах 7 хоногийн хугацаанд зорчих, ургамал түүж бэлтгэх, мал, зөгий бэлчээрлүүлэх, амралт зугаалга, бусад үйл ажиллагаа явуулахгүй байхыг АНХААРУУЛЖ ‼️ байна.

“ТӨРИЙН ӨМЧИЙН БҮРТГЭЛ, АШИГЛАЛТ, ТАЙЛАГНАЛД АНХААРАХ АСУУДАЛ” СЭДЭВТ СУРГАЛТ ЗОХИОН БАЙГУУЛАГДАЖ БАЙНА. Сэлэнгэ аймгийн Орон нутгийн өмчийн газраас төрийн өмчийн бүртгэл, ашиглалт, тайлагналтын талаарх мэдлэг олгох, тулгамдаж буй асуудлуудыг шийдэхэд мэргэжил, арга зүйн зөвлөгөө өгөх, төрийн өмчийн бүртгэл, ашиглалтыг сайжруулах зорилгоор Зүүнбүрэн, Шаамар, Цагааннуур, Түшиг сумын төрийн болон орон нутгийн өмчит байгууллагуудын дарга, захирал, эрхлэгч нягтлан бодогч, нярав, өмч хамгаалах зөвлөлийн дарга, гишүүдэд Төрийн өмчийн бүртгэл, ашиглалтын хэлтсийн ахлах мэргэжилтэн С.Чулуунцэцэг, мэргэжилтэн Н.Мөнх-Эрдэнэ нар сургалт зохион байгуулж, нийт 55 албан хаагч хамрагдаж байна.

Сумын өнгө үзэмжийг сайжруулах, тариан талбайг хамгаалах зорилгоор жил бүр ногоон байгууламжийг нэмэгдүүлэхээр зорин ажиллаж байна. Иймээс малчин, мал бүхий иргэд та бүхэн малаа байнгын хариулга, маллагаатай байлгах, ногоон байгууламжийн хашааг сүйтгэхгүй байхыг анхааруулж байна. Ногоон байгууламжийг нэмэгдүүлж, сум орон нутгийнхаа өнгө үзэмжийг сайжруулахад иргэн бүрийн оролцоо чухал юм.

Ойн мэргэжлийн байгууллага УБТЗМБҮйлдвэр, Бүтээлийн нуур ХХК нь 2024, 2025 онд бэлтгэсэн модны ойжуулалтын гүйцэтгэлийг Оргих 1-р багийн нутаг дэвсгэр Сангалтайд 2012 онд түймэрт өртөн доройтсон ойн санд 3 настай шинэсний 156000 ширхэг тарьцыг 78 га талбайд өөрийн хөрөнгөөр ойжуулалтын ажлыг хийн гүйцэтгэж байна.

Хүний эрхийн комисс, Сэлэнгэ аймгийн ҮЭ-ийн холбоо, Аймгийн ЗДТГ-ын хуулийн хэлтсийн хамтран сумын төрийн албан хаагч, иргэдийн хүний эрхийн мэдлэг ойлголтыг нэмэгдүүлэх, урьдчилан сэргийлэх чадавхийг бий болгох, төрийн албан хаагч үйл ажиллагаандаа хүний эрхэд суурилсан хандлага, арга зүйг төлөвшүүлэн хэрэгжүүлэх зорилгоор "Хүний эрхийн үндсэн ойлголт ба Хүний эрх хамгаалагчийн эрх зүйн зохицуулалт", "Төрийн албан хаагчийн ёс зүй", "Хөдөлмөрлөх эрх" сэдвээр сургалт зохион байгууллаа.

"Монголын хүмүүнлэгийн өдөр" Жил бүр уламжлал болгон зохион байгууллаж ирсэн. Энэ жил Ерөө суманд зохион байгуулагдлаа