НЭГ. НИЙТЛЭГ ҮНДЭСЛЭЛ

1.1.Сумын иргэдийн Төлөөлөгчдийн Хурлын төлөөлөгч нь улс төрийн болоод өөрийн, өөрт хамаарал бүхий этгээдийн эрх, ашиг сонирхлыг илэрхийлэхгүй бөгөөд тухайн нутаг дэвсгэрийн иргэдийн эрх, хууль ёсны ашиг сонирхлыг эрхэмлэн баримтлагч тул энэхүү ёс зүйн дүрэм нь төлөөлөгчөөс бүрэн эрхээ хэрэгжүүлэхдээ хүлээсэн үүргийн ёс зүйн хэм хэмжээг сахин мөрдөхөд туслахад оршино.

1.2.Сумын иргэдийн Төлөөлөгчдийн Хурлын төлөөлөгч нь үйл ажиллагаандаа энэхүү дүрмээр тогтоосон хэм хэмжээг баримтлахын зэрэгцээ Монгол Улсын Үндсэн хууль, Монгол Улсын Засаг захиргаа, нутаг дэвсгэрийн нэгж түүний удирдлагын тухай, Төрийн албаны тухай, Мэдээллийн ил тод байдал, Нийтийн албанд нийтийн болон хувийн ашиг сонирхлоос урьдчилан сэргийлэх тухай, Авлигын эсрэг хууль, сумын иргэдийн Төлөөлөгчдийн Хурлын хуралдааны дэг болон холбогдох бусад хууль тогтоомжид заасан хэм хэмжээг дагаж мөрдөнө.

1.3.Сумын  иргэдийн Төлөөлөгчдийн Хурлын төлөөлөгч бүр энэхүү дүрмийн  заалтыг хэрэгжүүлэх үүрэг хүлээх бөгөөд хурлын Ёс зүйн хороо нь дүрэмд заасан үйл ажиллагаа явуулж, ёс зүйн зөрчлийг хянан зохицуулна.

1.4.Сумын иргэдийн Төлөөлөгчдийн Хурлын төлөөлөгчийн ёс суртахууны харилцааны төлөв байдал нь  төлөөлөгчийн манлайллын нэг шалгуур үзүүлэлт мөн.